Përshesh me gjizë
Përbërësit:
- 250 gr gjizë me kripë
- 1 lugë supe gjalpë
- 3-4 lugë supe vaj ulliri
- 600 ml ujë të ngrohtë
- 1 ls salcë domate ose piper i kuq
- Kripë, piper i zi
- Arrë moskat
- Bukë e tharë/ thekur
Përgatitja:
Në tenxhere hedhim gjalpin, shtojmë piperin e kuq ose salcën e domates, e kaurdisim pak dhe pastaj hedhim gjizën (preferohet të jetë gjizë e ashpër). E përziejmë mirë, shtojmë piperin e zi, arrën moskat dhe pastaj shtojmë ujin e ngrohtë. Gjatë përzierjes na formohet një lëng shumë i shijshëm. E provojmë për kripën dhe kur lëngu ka marrë valë e heqim nga zjarri. Nëse dëshirojmë, mund t'i hedhim pak piper djegës. Ndërkohë, përgatisim përsheshin nëpër pjata. Ia hedhim lëngun përsipër me garuzhde dhe e lëmë pak sa të zbutet buka. Buka duhet të jetë kore, e ftohtë ose e thatë. Sipër mund t'i hedhim pak vaj ulliri.
Komento
