LUSHNJË- Pronari dhe kamerieri i një lokali në Lushnjë janë arrestuar. Të dy në bashkëpunim me njëri-tjetrin kishin përshtatur përshtatur lokalin në lagjen "Loni Dhamo", për përdorim kanabisi si dhe për aktivitetin e lojërave të fatit.
“Shërbimet e Komisariatit të Policisë Lushnjë, në kuadër të megaoperacioneve "Tempulli", dhe "Sundimi i Ligjit", nga kontrollet e ushtruara në ambiente dhe lokale, kanë goditur një tjetër rast të përdorimit të drogave në lokale, si dhe përshtatjen e lokalit për aktivitetin e jashtëligjshëm të lojërave të fatit.
Për këtë rast u kapën në flagrancë shtetasit J. T., 23 vjeç, dhe K. A., 21 vjeç, (pronari dhe kamarieri i lokalit), të dy banues në Lushnjë, të cilët në bashkëpunim me njëri-tjetrin kishin përshtatur lokalin në lagjen "Loni Dhamo", Lushnjë, për përdorim të lëndës së dyshuar narkotike cannabis, si dhe për aktivitetin e lojërave të fatit”, njofton policia.
Në cilësinë e provës materiale u sekuestrua lënda narkotike, 1 grirëse, dhe 5 aparate celularë.
Materialet procedurale i kaluan Prokurorisë për veprime të mëtejshme.
