Procesi i ristrukturimit të Forcave Tokësore shënon sot çerekshekulli. Në aktivitetin e organizuar me këtë rast, ministri i Mbrojtjes, Pirro Vengu u shpreh se ky përvjetor, është kujtesa se ringritja e ushtrisë dhe shtetit shqiptar kanë qenë dhe mbeten procese të pandashme
Vengu tha se “çerekshekulli më parë, Shqipëria nisi të ringrejë nga themelet një nga shtyllat e saj më të brishta, pas trazirave të viteve ’90”.
“Këtu qëndron një e vërtetë që mbetet postulat në çdo kohë: fati i uniformës është i pandarë nga fati i shtetit. Gjatë tranzicionit këto fate u shkëputën dhunshëm, ndërsa në vitin 2000 ato nisën të ringjizen përsëri. Ristrukturimi i Forcës Tokësore nuk ishte një akt formal, ishte një nisje nga e para. Një domosdoshmëri pa të cilën Shqipëria nuk do të ishte ajo që është sot. Sepse uniforma nuk është një shenjë dalluese, por një mburojë për vendin dhe një shërbim i përditshëm ndaj shoqërisë”, tha Vengu.
Ministri i Mbrojtjes theksoi se Forcat Tokësore kanë kaluar nëpër sfida të shumta, në misione ndërkombëtare, nga Afganistani në Evropën Juglindore, apo atë Baltike dhe në operacione brenda vendit për të mbrojtur jetën , territorin dhe pasurinë tonë mjedisore.
“Ky përvjetor është kujtesa se ringritja e ushtrisë dhe shtetit shqiptar kanë qenë dhe mbeten procese të pandashme dhe kjo është arsyeja pse modernizimi, investimi në pajisje dhe kapacitete njerëzore nuk janë një luks, por një detyrë për ne. Një detyrë përmes të cilës ripërtërihet pakti për lirinë dhe prosperitetin e këtij kombi”, vijoi ai.
Në mbyllje të fjalës së tij, ministri Vengu tha se “detyra jonë është që vijojmë të sigurojmë që uniforma dhe shteti të mos shkëputen më kurrë, po të ecin bashkë si një trup i vetëm në çdo kohë”./ ATSH
Komente
zVëngu çështë ushtria? Turp që thoni po rilind që nga 2000.Në 1997 në atë kohë kur ajo u shkatërua nga politika jsh oficerët e flakur zëvëndësuan e deri dhe në shërbim me armë në dorë të shpëtimit të asaj që kishte ngelur pa u shkatëruar.Në të pastajmen është politika me qëndrimin e saj mediokër që çojë për skRap TANKE ME ZERO K.M.;ARTILERI TË TË GJITHA LLOJEVE,MUNICIONE,AVJONË,RAKETA TË TIPAVE TË NDRYSHME,FLOTËN LUFFARAKE DETARE e stj.Pa dalë përgjegjësit para GJYQIT ushtria nuk mund të ecë përpara.Ju (ushtria)jeni një forcë e gjeneralëve me urdhër dite,dhe kol,n/kol, dhe e një force me rogë sa nuk mundeni të përballoni asnjë agresion.Lërini thëniet me NATO.Shqipëris i është lagur BARUTI, dhe që të bëhet ushtdia të gjënden lekët e shitjeve të arm-ten luftarake nga qeveritMEKSI,NANO,SALI dhe Ministrat të Mbrojtieve kohëve dhe të atyre që jan larguar nga kjo jetë dhe të këtyre që jan sot.Të kalojnë në sit të gjithë Shef.sht.përgj;Shsf e shër.inf.të usht;drejtorët e ndërm.ekon të ushtris.Pa u nxjerrë FAJTORËT PARA PËRGJEGJËSIS NUK KA USHTRI.
Përgjigju