Është gjetur trupi i njërit prej policëve të zhdukur në lumin Lepenc, në Kosovë. Zëdhënësi i Policisë për rajonin e Ferizajt, Agim Gashi, ka thënë se trupi është gjetur 5 km larg nga vendi ku ka ndodhur aksidenti, raportojnë mediat kosovare.
“Rreth orës 16:00 është gjetur trupi i pajetë i njërit prej policëve të zhdukur. Trupi i pajetë i tij është gjetur 5 kilometra nga vendi ku ka ndodhur aksidenti. Trupin e tij e kanë gjetur pjesëtarët e FSK-së dhe zhytësit që janë duke i kryer kërkimet”, ka treguar Gashi.
Kujtojmë se për pesë ditë rresht, policia, Forca e Sigurisë së Kosovës dhe mekanizmat tjerë për emergjenca kanë vazhduar kërkimet për dy policët e zhdukur pas aksidentit me veturën zyrtare në magjistralen Hani i Elezit – Kaçanik.
Komento