'Serialit' Rama-Basha i është bashkuar edhe deputeti socialist Petro Koçi, i cili u tërhoq dhe nuk do të jetë në listat e kandidatëve për 11 Majin. Në një video, deputeti i kujton Bashës se nuk duhet të merret me Ramën ndërsa i thotë atij se 7x7 ka disa rezultate, duke i përmendur humbjet në zgjedhjeve gjatë viteve.
Koçi i thotë se së shpejti 7x7 do të jetë një rezultat tjetër, 2025 dhe më vonë 2029. Ai shprehet se Basha e ka problemin e vërtetë me Berishën, pasi i mori partinë dhe vulën.
"Po ku je mor Lul, ke filluar të kruhesh, kruhesh me Ramën, me 7x7, me 313. Po me Ramën pse kruhesh. Të ka bërë edhe celebrimin, e mban mend kur ishe kryetar bashkie? Kruhesh me 313, e mban mend se si i je shmangur 313 me dredhi procedurash. Pastaj me 7x7? Ti e di që ka disa rezultate. Rezultati i parë është 7x7=2013. Pastaj 7x7=2017 dhe 7x7= 2021 dhe kësaj radhe do të dalë 2025. Prite që kur 7x7 të bëjnë edhe 2029. Po çfarë ke mor Lul që kruhesh kot. Të gjithë problemin e ke me doktorin. E kishe partinë dhe vulën në dorë, ta kalli doktori, biles ish doktori, tashmë një pacient sepse e ke parë se e ke parë, është bërë më keq se Biden. Ki kujdes mor Lul, mos u kruaj kot.", thotë Koçi.
Komente
