Petulla të fshira
Përbërësit:
- 1 vezë
- 500 ml qumësht
- 250 ml ujë
- 400 gr miell
- 1 lugë çaji kripë
- 100 ml qumësht
- 150 gr gjalpë
- 2-3 thelpinj hudhër
- Djathë të bardhë të thërrmuar
Përgatitja:
Rrahim vezën me qumështin, ujin dhe kripën. Shtojmë miellin gradualisht derisa të formohet një brumë i lëngshëm si për palaçinka. Pjekim secilën petull/palaçinkë në tigan të nxehtë, një nga një, duke i kthyer në të dy anët. Më pas shkrijmë gjalpin, shtojmë 100 ml qumësht dhe hudhrat e grira imët. I përziejmë derisa të marrin shije. Radhitim petullat e pjekura në një tepsi, duke lyer çdo petull me gjalpin e përgatitur dhe duke spërkatur djathë të thërrmuar mes shtresave. E lyejmë sipër me gjalpin e mbetur. E vendosim në pjekje, në furrë të parangrohur në 200 °C derisa sipërfaqja të marrë ngjyrë të artë (rreth 15–20 minuta).
Këshillat nga Albana: Shkojnë shumë mirë të ngrohta me kos natyral ose me një sallatë të thjeshtë. Nëse do shije më të butë, hudhrën mund ta zbusësh duke e skuqur pak në gjalpë para se ta shtosh.
Komente
