Egnatia, Vllaznia dhe Dinamo fituan në ndeshjet respektive të Conference League, duke i dhënë pikë Shqipërisë (Superligës) në renditjen e UEFA-s, duke vijuar që vendin ynë të përfaqësohet me katër ekipe në garat evropiane edhe edicionin që vjen.
Momentalisht Shqipëria (kampionati) mban vendin e 45-të me 7250 pikë, me një diferencë të konsiderueshme nga pozita e 51-të (Maqedonia e Veriut, 5917 pikë) që të lë me një ekip më pak në garat evropiane.
Sukseset e fundit të Egnatias, Dinamos dhe Vllaznisë në turin e dytë të Conference League kanë bërë që Superliga të "blindojë" pozitat dhe të ketë sërish katër ekipe në Evropë edicionin e ri.
Në pesë sezonet e fundit në Evropë, më shumë pikë Superligës i ka dhënë Partizani, ndjekur nga Vllaznia, Egnatia, Laçi, Tirana, Dinamo dhe Teuta.
Renditja e Superligës (UEFA) dhe ekipet që kanë kontribuar në pesë sezonet e fundit
Komente
