Piktura e Guri Madhit ‘Kur nuk shkojnë në stadium’ është shfaqur në Muzeun e Futbollit Gjerman në Dortmund. Guri Madhi e realizoi këtë vepër në vitin 1986 dhe pasqyron disa persona që shohin një ndeshje futbolli në shtëpi, teksa gëzojnë për golin e shënuar.
Realizimi i veprës përkonte me zhvillimin e kampionatit botëror në vitin 1986 në Meksikë, ku fituese doli Argjentina.
Tashmë kjo pikturë shfaqet në muzeun gjerman në prag të Euro 2024 që do zhvillohet në Gjermani, ku pjesë do jetë edhe Shqipëria në grupin B, së bashku me Italinë, Kroacinë dhe Spanjën.
Me anë të një postimin në Facebook, kryeministri Edi Rama shkruan se ekspozita në muzeun e futbollit në Dortmund gërsheton botën e futbollit dhe atë të artit, në një ambient ku ka një ndërveprim mes veprave artistike që trajtojnë temën e futbollit në modernizimin europian të shekullit XX.
