Pilaf me fileto pule dhe kungull
Përbërësit:
300 gr fileto pule
1 qepë
2 lugë gjelle vaj ulliri
2 kunguj të njomë ( mesatar)
1/2 lugë çaji Kerry
kripë
1 1/2 gotë oriz kokërrgjatë
3 gota lëng pule ose ujë
4-5 gjethe borzilok
1 thelpi hudhër
2 lugë gjelle vaj ulliri për servirje
Përgatitja:
Pastrojmë fileton e pulës dhe e presim atë në kubikë të vegjël. Po ashtu dhe qepën e presim në kubikë imët. Në një tigan të thellë ngrohim 2 lugë gjelle vaj ulliri dhe kaurdisim qepën për 3 minuta, shtojmë fileton në kubikë dhe I kaurdisim sëbashku për 3-5 minuta. Ndërkohë presim 2 kunguj horizontalisht në 1/4 dhe më pas në copëza me trashësi 0.5 cm dhe I shtojmë në tigan dhe vazhdojmë kaurdisjen me mishin dhe qepën sëbashku, kripë dhe 1/2 lugë çaji Kerry. Shtojmë orizin dhe vazhdojmë përzierjen dhe për 3 minuta të tjera e më pas e shuajmë me lëngun e pulës të nxehtë e përziejmë ngadalë, Vendosim kapakun dhe e lëmë të ziejë për 10-12 minuta. Në fund shtojmë 4-5 gjethe borzilok e thelpinj hudhër të shtypur dhe 2 lugë gjelle vaj ulliri e përziejmë lehtë dhe e shërbejmë.
