Milani humbi 0-2 me kushërinjtë e Interit në gjysmëfinalen e parë të Champions League. Në "San Siro", zikaltërit ishin më të vendosur në fushë, teksa shënuan dy gola të shpejtë në fillimin e lojës. Pas ndeshjes trajneri i Milanit, Stefano Pioli foli për mediet duke vendosur në pah meritat e kundërshtarit dhe kritikat për arbitrin spanjoll Gil Manzano.
"Ne luajtëm më mirë në pjesën e dytë, por nuk arritëm të shënonim. Kjo është diferenca në këto nivele. Ne donim një tjetër paraqitje dhe një rezultat tjetër. Megjithatë duhet të besojmë te ndeshja e kthimit, sepse episodet mund të ndryshojnë lojën. Nuk më pëlqeu arbitri, pashë të përdoreshin standarde të dyfishta.
Leao? Ne e dimë rëndësinë e tij, nuk ishte në gjendje për sonte. Kanë mbetur gjashtë ditë dhe duhet të presim edhe pak. Shpresa është që ai të luajë në gjysmëfinalen e kthimit.
Donim të ishim kompaktë, intensivë dhe agresivë. Interi fitoi shumë duele, topa të dytë, e mori lojën në dorë. Zikaltrit ishin të mirë në shënimin e dy golave dhe ndeshja u bë shumë e komplikuar, e vështirë nga pikëpamja taktike dhe mendore, por pashë një reagim të madh. Këtë reagim dua ta shoh edhe në ndeshjen e dytë", tha Pioli mes të tjerash.
Komente
AL 16 MAGGIO SARA LA STESSA MUSICA,,,OVUNQUE E DOVUNQUE FORZA I N T E R AMALA
PërgjigjuHahaaaa, Gjynaf Pioli dhe tifozet !
Përgjigju