Receta

Pispili me miell misri me presh nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

27 Shkurt, 11:11| Përditesimi: 27 Shkurt, 11:14

  • Share

Pispili me presh

Përbërësit:

  • 500 gr miell misri i verdhë
  • 2 filxhanë çaji kos
  • 3 presh
  • 1 tufë majdanoz dhe koper
  • 1 lç sodë buke
  • 3 kokrra vezë
  • 300 ml ujë të ngrohtë
  • 4 lgj vaj ulliri
  • 1 lç piper i kuq
  • Piper i zi
  • Kripë

Përgatitja:

Pjesën e bardhë të preshit e grijmë imët dhe e kaurdisim me pak vaj ulliri. Sapo të fillojë preshi të ulë vëllimin e spërkasim me kripë dhe piper dhe e lëmë që të zbutet. Ndërkohë tek mielli i misrit shtojmë sodën e bukës, vaj ulliri dhe ujë të ngrohtë. E punojmë mirë derisa të krijohet një brumë i lidhur. E shtrojmë masën e brumit me miell misri në një tavë të lyer me pak vaj ulliri. Mbi të vendosim preshin e kaurdisur spërkatur me majdanoz të grirë. Rrahim vezët së bashku me kosin dhe e shtojmë në tavë mbi preshin. E pudrosim sipërfaqen e pispilisë me pak miell misri dhe e vendosim të piqet në furrë të parangrohur në temperaturën 180 gradë Celsius.

MC/ReportTv.al
Komento

Komente

  • Sondazhi i ditës:

    Zgjedhjet e 11 majit, cila listë e kandidatëve iu bind më shumë?