Pispili më e shpejtë me perime
Përbërësit:
500 gr lakër të bardhë
2 karrota
2 patate
1 presh
2 speca të kuq
2 qepë të njoma
1 tufë majdanoz
100 gr djathë të grirë
4 vezë
2 lgj qumësht
2 lgj kos
4 lgj vaj luledielli
5 lgj miell
1 lk fryrës
2 lk kripë
Piper i zi
Piper i kuq
Përgatitja:
Fillimisht grijmë lakrën dhe karrotat në rende. Presim preshin në mes për së gjati dhe më pas në rrethore të vogla, specat i presim në kubikë të vegjël, ndërsa qepët e njoma dhe majdanozin i grijmë sa më imët. Të gjitha perimet i bashkojmë në një tas ku shtojme djathin e grirë.
Në një enë vendosim qumështin, kosin, vajin, vezët, kripën dhe piperin e zi. I trazojmë mirë dhe më pas shtojmë miellin e situr së bashku me fryrësin. E përziejmë mirë derisa masa të bëhet e njëtrajtshme. I bashkojmë të dyja masat bashkë dhe i vendosim në një tavë ku kemi shtruar letër pjekje. E spërkasim sipërfaqen me djathë kaçkavall dhe piper të kuq dhe e vendosim tavën në furrë të parangrohur në temperaturën 180 gradë Celsius për 30 minuta.
