Sylvinho mund të 'fërkojë duart', pasi Keidi Bare është rikthyer ai i mëparshmi në mesin e fushës. Pas shumë lëndimeve dhe javëve jashtë fushës, "Pitbulli" i Kombëtares ka marrë minuta të rëndësishme me Espanyol në La Liga 2 dhe ka vendosur një rekord.
Fieraku tanimë ka shkuar në kuotën e 100 ndeshjeve me Espanyol dhe bardheblutë e Barcelonës i kanë dhuruar një fanellë speciale duke kujtuar se është shekullor.
I fortë dhe me grintë në mesin e fushës, Bare shihet si një element cilësor edhe për kuqezinjtë që luajnë në fazën finale të Euro 2024. Shqipëria e futbollit nga 14 qershori është shortuar në grupin B të "Gjermani 2024" dhe ka përballë as më pak e as më shumë emra si Spanja, Italia dhe Kroacia.
Komento
