Receta

Pite me miell misri dhe presh nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

24 Nëntor 2020, 10:52| Përditesimi: 24 Nëntor 2020, 11:25

  • Share

Pite me miell misri dhe presh

Përbërësit:

1kg presh

3 vezë

1 gotë vaj

2 gota kos

1 gotë qumësht

2 gota miell misri

1 gotë miell gruri

1 pako pluhur pjekës

200 gr djath të bardhë

pak kripë

Përgatitja:

Fillimisht pastrojmë presht dhe I presim ato në 1/4 horizontalisht e më pas I grijmë hollë. Vendosim në zjarr një tigan të thellë me 3 lugë gjelle vaj dhe kaurdisim presht deri sa ata të ulin volumin dhe të zbuten. Rregullojmë shijen me kripë. Në një tas rrahim 3 kokrra vezë, vaj, kos, qumësht I përziejmë mirë duke shtuar pak kripë. Shtojmë pak nga pak miellin e misrit, pluhurin pjekës, miellin e grurit I përziejmë mirë. Shtojmë në tas preshët e gatuara vazhdojmë përzierjen kontrollojmë konsistencën varet nga lagështira që kanë preshët nëse rezulton brumi I hollë mund të shtojmë dhe pak miell misri në fund, shtojmë dhe djathin e thërrmuar. Lyejmë tepsinë me vaj , shtojmë brumin, pak vaj sipër dhe e pjekim në temperaturë 200 gradë Celsius për 30 minuta.

D.M./ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?