Pite tigani të mbushura me spinaq
Përbërësit:
- 300 gr miell
- 1 lç sodë
- 1 lç kripë
- 200 ml ujë
- 2 lgj vaj ulliri
- 300 gr spinaq
- 100 gr djathë
Përgatitja:
Fillimisht zemë brumin me miell, sodë buke, pak kripë dhe ujë. E lemë brumin të pushojë për rreth 30 minuta. Ndërkohë në një tigan kaurdisim spinaqin me pak vaj ulliri. Pasi të ulet vëllimi shtojmë kripën dhe e lemë të ftohet.
Brumin e ndajmë në 2 topa, të cilat i hapim në dy peta. Hapim petën e parë në tryezën e punës, shtojmë mbushjen dhe djathin dhe sipër vendosim petën tjetër. Shtypim pjesët anësore dhe piten e mbushur e vendosim në një tigan të madh lyer me vaj dhe e pjekim nga të dyja anët.
Komento
