Petrit Sulejmani, pjesë e grupit ta Astrit Avdylajt, është ekstraduar nga Gjermania ditën e sotme, ndërsa ishte shpallur në kërkim ndërkombëtar për trafik droge dhe grup të strukturuar kriminal.
Sulejmani bashkëpunoi me grupin e Avdylajve në Shijak, për kalimin e 2 ton kanabis drejt Italisë në vitin 2017.
Grupi i trafikut të drogë su godit në vitin 2018, ndërsa Sulejmanit iu caktua masa e sigurisë 'arrest me burg' në mungesë, i akuzuar për veprat penale "Prodhimi dhe shitja e narkotikëve", "Trafikimi i narkotikëve", kryer në bashkëpunim, në formën e posaçme të grupit të strukturuar kriminal, "Grupi i strukturuar kriminal", "Kryerja e veprave penale nga organizata kriminale dhe grup i strukturuar kriminal" dhe "Pastrimi i produkteve të veprës penale".
Më 21 tetor të 2018, në pranga ra edhe koka e grupit, Astrit Avdylaj dhe vëllezërit e tij, Flamur Avdyli dhe Shkëlqim Avdyli.
