Një 26-vjeçar, i identifikuar si Jozef Çekaj, ka mbetur i plagosur me armë zjarri në Shkodër. Ngjarja është shënuar pak pas mesnate në lagjen "Perlat Rexhepi". Sipas policisë, autori është një 49-vjeçar.
49-vjeçari ka qëlluar me armë zjarri drejt të riut pas një konflikti për motive të dobëta. I plagosuri është dërguar për mjekim në spital, ku ndodhet jashtë rrezikut për jetën. Ndërkohë, po punohet për kapjen e autorit.
Sipas informacioneve, i riu ka marrë një plagë në pjesën e shpatullës. Ai ka shkuar vetë në urgjencë ndërsa më pas ka rrëfyer për policinë për konfliktin e çastit me autorin.
"Rreth orës 00:05, në lagjen "Perlat Rexhepi", shtetasi P. F., 49 vjeç, dyshohet se, për motive të dobëta, ka plagosur me armë zjarri shtetasin J. Ç., 26 vjeç, i cili ndodhet jashtë rrezikut për jetën.
Shërbimet e Policisë vijojnë kontrollet për kapjen e autorit të dyshuar. Grupi hetimor, nën drejtimin e Prokurorisë, po vijon punën për dokumentimin e plotë ligjor të rastit.", njofton policia.
Komente
