Greqi-Të shtëna me armë zjarri janë regjistruar pasditen e sotme në zonën e Omonias, në qendër të Athinës.
Një shqiptar ka mbetur i plagosur në shpatull dhe aktualisht ndodhet në spital. Ai është identifikuar si Florian Bajraktari 36 vjeç.
Ngjarja ka ndodhur rreth orës 18:00 në kryqëzimin e rrugëve Kreta dhe Acominato, raporton prothotema.gr.
Sipas mediave greke burri me origjinë shqiptare është me precedentë të mëparshëm kriminal.
Në vitin 2000 ai është dënuar për vrasje dhe ushtrimin e lojërave të fatit në mënyrë të paligjshme. Më pas në 2018-ën ai u lirua me kusht.
Shqiptari ishte i ulur në një kafene kur disa persona të panjohur iu afruan dhe qëlluan drejt tij të paktën shtatë herë, pasi oficerët e policisë kanë gjetur shtatë gëzhoja.
Ndërkohë vijojnë hetimet për zbardhjen e plotë të shkaqeve.
