LEZHË- Është gjetur arma e krimit që ka përdorur një natë më parë në Kurbin 41-vjeçari gjatë plagosjes së bashkëfshatarit të tij. Pas kërkimeve që janë bërë nga efektivët e policisë, arma e zjarrit pushkë është gjetur në një parcelë pranë shtëpisë së autorit Met Lika, i cili pasi ka plagosur bashkëfshatarin Rasim Tafa, 51 vjeç, e kishte hedhur aty për ta fshehur. Policia ka sekuestruar armën e zjarrit, ndërsa gjeti edhe një krehër me 8 fishekë.
Lika plagosi me armë një natë më parë bashkëfshatarin e tij pas një sherri për motive të dobëta. Shkak i sherrit është bërë lopa e Tafës që kishte hyrë për kullotë në tokën e autorit. Lika ra në pranga vetëm pak minuta pas ngjarjes, ndërsa 51-vjeçari po merr ndihmë në spital.
41-vjeçari akuzohet për veprat penale "Plagosja e rëndë me dashje" dhe "Mbajtja pa leje dhe prodhimi i armëve, armëve shpërthyese dhe i municionit".
