Sot në Gjykatën e Shkallës së Parë Durrës është zhvilluar seanca gjyqësore për të përcaktuar masën e sigurisë në ngarkim të Adil Hizdrit 31 vjeç i cili dy ditë më parë plagosi me armë zjarri 70-vjeçarin Fadil Hunda.
Organi i akuzës kërkoi arrest me burg për 31-vjeçarin për plagosje me dashje.
Gjyqtari i seancës Shkëlzen Liçaj e konsideroi të ligjshëm arrestimin e 31-vjeçarit dhe vendosi si masë sigurie atë të arrestit me burg.
Mësohet se shkak ka qenë një borxh që Familja Hunda i kishte Adil Hizdrit.Pikërisht për këtë ata u zunë më fjalë në një lokal në lagjen 17 dhe si pasojë Hizdri qëlloi dy herë me pistoletë mbi 70-vjeçarin Hunda.
Banorët njoftuan policinë dhe patrullat Shqiponja reaguan me shpejtësi duke e arrestuar në flagrancë autorin e duke i sekuestruar edhe armën e krimit.
SI.E./ReportTv.al![](https://www.report-tv.al/template/img/antipiracynote.jpg)