TIRANË - Gjykata e Apelit ka ndryshuar akuzat dhe ka ulur dënimin për 4 të pandehurit e plagosjes së Pashk Palnikajt në vitin 2021 në Fier.
Apeli ndryshoi akuzën nga vrasje me paramendim në vrasje me dashje. Apeli ka ulur dënimin me 10 vite për Kiri Mernicën, duke e dënuar me 12 vite burg.
Për Robert Mernicën dënimi është ulur me 9 vite, duke u dënuar me 12 vite burg.
Gjithashtu për Mirand Mernicën dënimi ulet me 9 vite, duke e dënuar me 11 vite burg. Liri Biçaku dënohet me 12 vite burg, me dënimin që i ulet me 9 vite.
Ngjarja ndodhi më 16 prill të vitit 2021 në fshatin Sulaj të Fierit, ku mbeti i plagosur 47 vjeçari Pashk Palnikaj.
Më herët më datë 4 dhjetor të vitit 2023, Gjykata e Fierit i ka dënuar të pandehurit për 'Vrasje me paramendim' dhe armë mbajtje pa leje.
Vendimi i Apelit të Përgjithshëm:
Në përfundim të gjykimit, më datë 19.11.2024, Gjykata e Apelit të Juridiksionit të Përgjithshëm, e përbërë nga trupi gjykues me Relator Gjyqtar z. Genti Shala dhe anëtarë znj. Brikena Ukperaj dhe z. Dritan Hasani, vendosi:
-Lënien në fuqi të vendimit nr. 583, datë 04.12.2023 të Gjykatës së Shkallës së Parë të Juridiksionit të Përgjithshëm Fier në lidhje me fajësinë dhe masën e dënimit për të pandehurit K. M, L. B e R. M sa i përket veprave të parashikuara nga nenet 323/1 e 278/1 të Kodit Penal, si dhe provat materiale e shpenzimet gjyqësore.
-Ndryshimin e vendimit nr. 583, datë 04.12.2023 të Gjykatës së Shkallës së Parë të Juridiksionit të Përgjithshëm Fier për pjesën tjetër si vijon:
-Deklarimin fajtor të pandehurit K. M për kryerjen e veprës penale "Vrasje me dashje", parashikuar nga neni 76, 22 e 25 i K. Penal dhe dënimin e tij me 11 vjet burgim.
-Bazuar ne nenin 55 të K. Penal, bashkimin e dënimeve me një dënim të vetëm prej 12 vjet burgim.
-Deklarimin fajtor të pandehurit R. M për kryerjen e veprës penale "Vrasje me dashje", parashikuar nga neni 76, 22 e 25 i K. Penal dhe dënimin e tij me 11 vjet burgim.
-Bazuar ne nenin 55 të K. Penal, bashkimin e dënimeve me një dënim të vetëm prej 12 vjet burgim.
-Deklarimin fajtor të pandehurit L. B për kryerjen e veprës penale "Vrasje me dashje", parashikuar nga neni 76, 22 e 25 i K. Penal dhe dënimin e tij me 11 vjet burgim.
-Bazuar ne nenin 55 të K. Penal, bashkimin e dënimeve me një dënim të vetëm prej 12 vjet burgim.
-Deklarimin fajtor të pandehurit M. M për kryerjen e veprës penale "Vrasje me dashje", parashikuar nga neni 76,22 e 25 i K. Penal dhe dënimin e tij me 11 vjet burgim.
-Vuajtja e dënimit nga të pandehurit K. M, R. M, L. B dhe M. M të bëhet në një burg të sigurisë së zakonshme.
