Efektivi i FNSH-së, Lutfi Gjyli, 48 vjeç është arrestuar pasi ka qëlluar me armë 60-vjecarin Murteza Lika teksa po konsumonin pije alkoolike me njëri-tjetrin. Ngjarja ndodhi mbrëmjen e djeshme në Kombinat, Tiranë.
AMP njofton se ata ishin në një bar kafe dhe Gjyli ka përdorur armën e tij të shërbimit duke qëlluar në drejtim të 60-vjeçarit në kohën që ishte i ulur në të njëjtën tavolinë me të. Si pasojë, Murteza Lika ka marrë dëmtim në këmbën e majtë dhe është dërguar menjëherë në spitalin ushtarak, ku ka marrë ndihmën mjekësore dhe aktualisht është jashtë rrezikut për jetën.
Sipas policisë, 60-vjeçari Lika vuan nga probleme të shëndetit mendor. Gjyli ishte inspektor policie me detyrë trupë shërbimi në Repartin e N.SH. Vaqarr Tiranë dhe u arrestua në flagrancë për veprën penale “Plagosje e rëndë me dashje”.
Komente
Hahahaha! Një polic budalla po pinte me një budalla!
Përgjigju