Mbrëmjen e së hënës në Shtëpinë e Bardhë në Uashington, Presidenti i SHBA dhe Kryeministri izraelit Benyamin Netanyahu folën për planin me 20 pika të Trump për fundin e luftës në Gaza. Netanyahu e përkrahu publikisht planin edhe pse ai nuk është ende I firmosur. Mes pikave kryesore të planit bie në sy çmilitarizimi i I Gazës, lirimi I pengjeve, një amnisti ndaj anëtarëve të Hamasit si dhe ngritja e një qeverie të përkohshme teknokrate palestineze që do të jetë nën mbikqyrjen e atij që në dokument quhet “Bordi i Paqes”, i cili do të udhëhiqet nga Donald Trump. Nëse Hamasi nuk do ta pranojë planin e propozuar, Presidenti amerikan tha se do të përkrahë vijimin e sulmeve të armatosura të ushtrisë së Izraelit, ndërsa Netanyahu tha se në këtë skenar, Izraeli “do të përfundojë punën” I vetëm. BE e mirëprit planin e Trump ndërsa në Izrael, anëtarët e kabinetit qeveritar të Netanyahut shprehen kundërshtues ndaj tij.
Katari ka njoftuar një takim të ri me Hamasin dhe Turqinë lidhur me situatën në Gaza, që do të mbahet sonte. Një burim palestinez pranë Hamasit ka deklaruar se grupi po shqyrton propozimin e presidentit të Shteteve të Bashkuara, Donald Trump, për t’i dhënë fund luftës në Gaza.
“Hamasi ka nisur një sërë konsultimesh me udhëheqjen e tij politike dhe ushtarake, si në Palestinë ashtu edhe jashtë saj,” tha burimi për AFP, në kushte anonimiteti.
“Diskutimet mund të zgjasin disa ditë për shkak të kompleksitetit të komunikimit mes anëtarëve të udhëheqjes dhe lëvizjeve, veçanërisht pas agresionit izraelit në Doha,” shtoi ai.
Edhe një tjetër burim palestinez konfirmoi se Hamasi po shqyrton planin e Trump.
Rusia thotë se mbështet dhe mirëpret planin e Donald Trump për Gazën. Zëdhënësi i Kremlinit, Dmitry Peskov tha se shpreson që plani të zbatohet dhe të mundësojë një zgjidhje paqësore.
“Rusia mbështet dhe mirëpret planin e Donald Trump për Gazën dhe shpreson se ai do të zbatohet, duke mundësuar një zgjidhje paqësore”, tha Peskov, i cituar nga agjencia e lajmeve Interfax.
Kryeministri izraelit Benjamin Netanyahu ka deklaruar se ushtria izraelite do të mbetet në pjesën më të madhe të Rripit të Gazës, pasi miratoi planin e paqes për territorin palestinez të paraqitur nga Presidenti i SHBA-së Donald Trump. "Ne do t'i rimarrim të gjithë pengjet tona, të gjallë ose jo, ndërsa ushtria izraelite do të mbetet në pjesën më të madhe të Rripit të Gazës", tha Netanyahu në një video të postuar në kanalin e tij Telegram.
Në një deklaratë zyrtare, presidenca e Autoritetit Kombëtar Palestinez, duke përshëndetur "me mirëkuptim përpjekjet e sinqerta dhe të vendosura të Presidentit Donald Trump për t’i dhënë fund luftës në Gaza", shprehet e gatshme që brenda dy vitesh të zbatojë:
- zhvillimin e programeve mësimore në përputhje me standardet e UNESCO-s (duke përjashtuar librat shkollorë që nxisin shkatërrimin e Izraelit)
- shfuqizimin e ligjeve që parashikojnë pagesa për familjet e të burgosurve dhe të "dëshmorëve".
"Shprehim gatishmërinë për të bashkëpunuar me Shtetet e Bashkuara dhe të gjitha palët për të arritur paqen", thuhet në deklaratë.
Plani i Donald Trump i prezantuar të hënën, është quajtur "Plan gjithëpërfshirës për përfundimin e konfliktit në Gaza"
1. Gaza do të bëhet një zonë e çradikalizuar, pa terror, që nuk përbën kërcënim për fqinjët e saj.
2. Gaza do të rindërtohet për të mirën e popullit të saj, i cili ka vuajtur më shumë se mjaftueshëm.
3. Nëse të dyja palët bien dakord me këtë propozim, lufta do të përfundojë menjëherë. Forcat izraelite do të tërhiqen deri në vijën e rënë dakord për t’u përgatitur për lirimin e pengjeve. Gjatë kësaj kohe, të gjitha operacionet ushtarake, përfshirë bombardimet ajrore dhe me artileri, do të pezullohen, dhe vijat e frontit do të ngelen të ngrira deri sa të plotësohen kushtet për tërheqjen e plotë me faza.
4. Brenda 72 orëve nga pranimi publik i marrëveshjes nga Izraeli, të gjitha pengjet – të gjalla apo të vdekura – do të kthehen.
5. Pasi të lirohen të gjitha pengjet, Izraeli do të lirojë 250 të burgosur me burgim të përjetshëm dhe 1700 banorë të Gazës të arrestuar pas 7 tetorit 2023, përfshirë të gjitha gratë dhe fëmijët e ndaluar në këtë kontekst. Për çdo peng izraelit të vdekur që kthehet, Izraeli do të kthejë trupat e 15 palestinezëve të vdekur.
6. Pasi të kthehen të gjitha pengjet, anëtarët e Hamasit që zotohen për bashkëjetesë paqësore dhe për dorëzimin e armëve do të amnistohen. Ata që dëshirojnë të largohen nga Gaza do të kenë mundësi kalimi të sigurt drejt vendeve pritëse.
7. Me pranimin e kësaj marrëveshjeje, ndihma humanitare do të hyjë menjëherë në Rripin e Gazës. Minimumi i ndihmës do të përputhet me atë të marrëveshjes së 19 janarit 2025, duke përfshirë rehabilitimin e infrastrukturës (ujë, energji elektrike, kanalizime), spitaleve, furrave të bukës dhe futjen e pajisjeve të nevojshme për heqjen e rrënojave dhe hapjen e rrugëve.
8. Shpërndarja dhe hyrja e ndihmës në Gaza do të kryhet pa ndërhyrje nga të dy palët, përmes Kombeve të Bashkuara dhe agjencive të saj, Gjysmëhënës së Kuqe dhe institucioneve të tjera ndërkombëtare neutrale. Hapja e kalimit të Rafahut në të dy drejtimet do të funksionojë sipas mekanizmit të marrëveshjes së 19 janarit 2025.
9. Gaza do të qeveriset përkohësisht nga një komitet palestinez teknokratik dhe jopolitik, përgjegjës për ofrimin e shërbimeve publike për popullin. Ky komitet do të përbëhet nga palestinezë të kualifikuar dhe ekspertë ndërkombëtarë, nën mbikëqyrjen e një organi të ri ndërkombëtar kalimtar, "Bordi i Paqes", i kryesuar nga Presidenti Donald J. Trump. Ky bord do të përcaktojë kornizën dhe financimin për rindërtimin e Gazës deri sa Autoriteti Palestinez të përfundojë reformat e tij dhe të jetë i aftë të rimarrë kontrollin në mënyrë të sigurt.
10. Një plan zhvillimi ekonomik i udhëhequr nga Trump do të hartohet nga një panel ekspertësh që kanë kontribuar në ndërtimin e qyteteve moderne në Lindjen e Mesme. Do të shqyrtohen propozime investimi dhe ide zhvillimi nga grupe ndërkombëtare me qëllime të mira për të krijuar mundësi, vende pune dhe shpresë për të ardhmen e Gazës.
11. Do të krijohet një zonë ekonomike e veçantë me tarifa preferenciale dhe akses të veçantë, që do të negociohet me vendet pjesëmarrëse.
12. Askush nuk do të detyrohet të largohet nga Gaza. Ata që dëshirojnë të largohen do të jenë të lirë ta bëjnë këtë dhe të rikthehen kur të dëshirojnë. Qëllimi është të inkurajohen të qëndrojnë dhe të kontribuojnë për ndërtimin e një Gaza më të mirë.
13. Hamasi dhe grupet e tjera nuk do të kenë asnjë rol në qeverisjen e Gazës – as drejtpërdrejt, as tërthorazi. Të gjitha strukturat ushtarake dhe terroriste, përfshirë tunelet dhe fabrikat e armëve, do të shkatërrohen dhe nuk do të rindërtohen. Do të zhvillohet një proces çmilitarizimi nën mbikëqyrjen e monitoruesve të pavarur, me program të blerjes së armëve dhe reintegrimit, të financuar ndërkombëtarisht dhe të verifikuar nga këta monitorues.
14. Partnerët rajonalë do të ofrojnë garanci që Hamasi dhe fraksionet të përmbushin detyrimet e tyre dhe që Gaza e Re nuk do të përbëjë kërcënim për fqinjët apo popullin e saj.
15. SHBA do të punojë me partnerët arabë dhe ndërkombëtarë për të krijuar një Forcë të Përkohshme të Stabilizimit Ndërkombëtar (ISF), e cila do të dërgohet menjëherë në Gaza. ISF do të trajnojë dhe mbështesë forcat policore palestineze të verifikuara, në bashkëpunim me Jordaninë dhe Egjiptin. Kjo forcë do të ndihmojë në sigurinë e brendshme dhe kufijtë me Izraelin dhe Egjiptin. Objektivi është të parandalohet futja e armëve dhe të lehtësohet furnizimi i shpejtë dhe i sigurt për rindërtimin e Gazës. Do të krijohet një mekanizëm për shmangien e konfliktit ndërmjet palëve.
16. Izraeli nuk do të pushtojë ose aneksojë Gazën. Ndërsa ISF vendos kontrollin dhe stabilitetin, Forcat e Mbrojtjes së Izraelit (IDF) do të tërhiqen sipas standardeve, afateve dhe kushteve të dakorduara me ISF, SHBA-në dhe garantuesit, me synimin për një Gaza të sigurt që nuk përbën kërcënim për Izraelin, Egjiptin dhe qytetarët e tyre. Praktikisht, IDF do t’ia dorëzojë gradualisht territorin ISF-së, derisa të tërhiqet plotësisht, përveç një pranie të kufizuar sigurie deri sa të garantohet mungesa e kërcënimit terrorist.
17. Nëse Hamasi vonon ose refuzon këtë propozim, ndihma dhe pjesët e planit do të vazhdojnë të zbatohen në zonat e çliruara nga IDF dhe të dorëzuara ISF-së.
18. Do të krijohet një proces dialogu ndërfetar, i bazuar në vlerat e tolerancës dhe bashkëjetesës paqësore, për të ndryshuar narrativat dhe mendësitë e palestinezëve dhe izraelitëve dhe për të theksuar përfitimet që vijnë nga paqja.
19. Ndërsa përparon rindërtimi i Gazës dhe realizohen reformat e Autoritetit Palestinez, mund të krijohen kushtet për një rrugë të besueshme drejt vetëvendosjes dhe shtetësisë palestineze – aspiratë kjo e njohur e popullit palestinez.
20. SHBA do të vendosë një dialog ndërmjet Izraelit dhe palestinezëve për të përcaktuar një horizont politik për bashkëjetesë paqësore dhe të begatë.
President Donald J. Trump’s Comprehensive Plan to End the Gaza Conflict:
— Rapid Response 47 (@RapidResponse47) September 29, 2025
1. Gaza will be a deradicalized terror-free zone that does not pose a threat to its neighbors.
2. Gaza will be redeveloped for the benefit of the people of Gaza, who have suffered more than enough.
3. If… pic.twitter.com/veqhr9MW28
“Përshëndesim angazhimin e presidentit Donald Trump për t’i dhënë fund luftës në Gaza. Inkurajojmë të gjitha palët që ta shfrytëzojnë këtë mundësi. BE është e gatshme të kontribuojë”. Kështu shkruan në X presidentja e Komisionit Evropian, Ursula von der Leyen.
“Aktet luftarake – shton ajo – duhet të ndalen, duke siguruar menjëherë ndihmë humanitare për popullsinë e Gazës dhe duke liruar menjëherë të gjitha pengjet. Një zgjidhje me dy shtete mbetet e vetmja rrugë e mundshme drejt një paqeje të drejtë dhe të qëndrueshme në Lindjen e Mesme, ku populli izraelit dhe ai palestinez të mund të jetojnë krah për krah, në paqe e siguri, të lirë nga dhuna dhe terrorizmi”, pwrfundon reagimin e saj Presidentja e Komisionit Evropian.
Welcome President @realDonaldTrump’s commitment to end the war in Gaza. Encourage all parties to now seize this opportunity.
— Ursula von der Leyen (@vonderleyen) September 30, 2025
The EU stands ready to contribute.
Hostilities should end with provision of immediate humanitarian relief to the population in Gaza and with all…
Plani i Donald Trump për t’i dhënë fund luftës në Gaza është një dështim diplomatik i bujshëm për Izraelin, sipas Bezalel Smotrich, Ministrit izraelit të së djathtës ekstreme i cili, duke renditur disa dispozita të planit në 20 pika, e ka quajtur atë një përzierje të pashijshme. Në një postim në X, Smotrich e përshkroi planin një dështim diplomatik bujshëm, një plan mbi të cilin mbyllen sytë dhe që i kthen shpinën të gjitha mësimeve të 7 tetorit, duke iu referuar sulmit të Hamasit në 2023, që ndezi luftën në Gaza. Sipas meje, do të përfundojë gjithashtu me lot. Fëmijët tanë do të detyrohen të luftojnë përsëri në Gaza, shtoi ai.
Komente
