Në prill të 2020 sfida 'El Clasico' mes Barcelonës dhe Real Madrid në Camp Nou u shty për shkak të pandemisë së Covid-19. Vendimi duket se ka shpëtuar shumë jetë, nga një plan terrorist i thurur prej Mohammed Yassin Amrani. Pjesë e ISIS, personi në fjalë u përgjua të thurte planin për të dërguar disa dronë me eksploziv mbi Camp Nou, duke i lëshuar më pas te futbollistët dhe te tifozët.
I radikalizuar gjatë pandemisë për shkak të masave, autoritetet paraqitën fakte konkrete për të si prova të pakundërshtueshme. Tre vite u dënua terroristi, i cili ishte në kontakt të drejtpërdrejtë me ISIS. Ai po mësonte si të pilotonte një dron për të kryer një sulm me eksploziv, megjithëse konsiderohej e mundur që në vend të kësaj ai të sulmonte njerëzit thjesht duke shkuar në rrugë dhe gjuajtur rastësisht të pafajshëm me thikë.
Komente
