Pak orë pas fitores me shifrat 0-4 në transfertë kundër Genoa-s dhe pas rikthimit në skuadër të Icardi-t në skuadër, te Interi duket se plasur një tjetër çështje, por këtë herë edhe më e rëndë.
Mediat në Itali, më saktësisht “Sky Sports”, ka shkruar se marrëdhënia mes trajnerit Luciano Spalletti dhe administratorit Beppe Marotta ka prekur fundin. Lajmi është raportuar nga burime konfidenciale brenda klubit e gazetares Mariangela Pira.
Arsyeja e prishjes së marrëdhënieve mes Spalletti-t dhe Marota-s është se trajneri nuk zbaton urdhrat e delegatit në daljet publike për mediat.
“Në këtë moment marrëdhënia mes tyre është inekzistente, Marota dhe Spaleti janë thuajse të huaj për njëri-tjetrin. Spaleti jo vetëm që nuk bën asgjë nga ato që i kërkon Marota, por del në televizione dhe bën të kundërtën. Është me fat që nuk largohet që sot,”-ka shkruar Pira në “Twitter”.
Ndërkohë përsa i përket mundësisë së uljes së Conte-s në pankinën zikaltër gazetarja shkruan: “Pyeta burimin tim në në lidhje me Konten dhe nuk më mohoi asgjë. Përgjigja e tij ishte “Interi mbi të gjitha.”
Komente
