DURRËS- Një 28-vjeçar është plagosur me çifte mëngjesin e sotëm në Sukth të Durrësit, e ndërsa autori i kësaj ngjarjeje është arrestuar nga policia pas arratisjes së tij që zgjati vetëm një orë.
Ngjarja ndodhi rreth orës 09:40, në vendin e quajtur “Kthesa e Ariut”. Report Tv mëson se pas një konflikti Gëzim Hoda ka plagosur me armë gjahu (çifte), Lulëzim Përnezha 28 vjeç. I plagosuri është dërguar në spital dhe ndodhet nën kujdesin e mjekëve.
Grupi hetimor, nën drejtimin e Prokurorisë pranë Gjykatës së Rrethit Gjyqësor Durrës, vijon veprimet në vendngjarje, për zbardhjen dhe dokumentimin e plotë ligjore të kësaj ngjarjeje. Dyshohet se shkak i konfliktit ka qenë debati për një makinë të parkuar jashtë lokalit ku ndodheshin Lulzim Përnezha dhe Gëzim Hoda. Ky i fundit pas debatit me të plagosurin, hyri në shtëpinë e tij dhe mori armën e gjahut me të cilën qëlloi drejt 28 vjeçarit.
Autori Gëzim Hoda dhe i plagosuri, Lulzëzim Përnezha janë banorë të fshatit Perlat në njësinë administrative të Sukthit. Hoda është me origjinë nga Kukësi ndërsa i plagosuri nga Dibra.
Përplasja fizike mes tyre ka ndodhur para një lokali të fshatit ku ata jetonin. Shkaku i konfliktit ka qenë debati për një makinë të parkuar. Fillimisht të dy janë konfliktuar me fjalë më pas Gëzim Hoda ka shkuar në shtëpinë e tij ku ka marrë armën e gjahut me të cilën ka plagosur Pernezhën.
Ndërkohë siç shihet edhe në pamjet e siguruara, në vendngjarje ka shenja të gjakut të të plagosurit i cili fatmirësisht ndodhet jashtë rrezikut për jetën.
Policia e Durrësit ka arrestuar 32 vjeçarin, Gëzim Hoda, autorin e plagosjes së 28 vjeçarit Lulzim Përnesha. Arrestimi i tij është bërë pas një ore ndjekje nga ana e policisë. Ndërkohë i plagosuri ndodhet në spitalin rajonal ku po merr ndihmën mjekësore dhe është jashtë rrezikut për jetën.
Komente
Nuk jeni akoma gati te jetoni ne komunitet me njerez duhet te rrini akoma ne mal te stani ndryshe krijoni probleme te medha per komunitetin o te pa gdhendur
Përgjigju