Platforma elektronike E-Albania do të vijojë sërish të jetë në shërbim të qytetarëve shqiptarë gjatë këtij viti.
Kryeministri Edi Rama përmes një postimi në Facebook shkruan se kjo platformë ishte një nga historitë më domethënëse gjatë 2020 dhe do të vijojë edhe këtë vit.
Ai shkruan se kjo platformë përfshin 1023 shërbime që vetëm para pak vitesh qytetarët qëndronin në radhë për t'i marrë.
Gjatë vitit që lamë pas, Rama shkruan se përmes kësaj platforme kanë marrë shërbim 1.5 mln qytetarë teksa institucionet ndërkombëtare nga OECD, OKB, DASH e deri tek KE, e konsideruan historinë e suksesit të e-Albania, arritjen më domethënëse në rajon.
Sipas kryeministrit, platforma e-Albania u ka kursyer shqiptarëve 293 vite pritje në radhë, në shifra, 1.363.074 euro nga gjenerimi elektronik i 2.686.032 dokumenteve.
Postimi i plotë i kryeministrit:
E-Albania një nga historitë domethënëse të suksesit për vitin që lamë pas, do të vazhdojë këtë vit me lehtësimin e mëtejshëm të shërbimeve të shtetit ndaj çdo qytetari, në Shqipëri dhe anekënd botës. 1023 shërbime, deri para pak vitesh përmes radhave, zvarritjeve e bakshisheve, sot përmes platformës https://e-albania.al direkt nga celulari apo kompiuteri.
1.5 milionë qytetarë dhe biznese të shërbyer në një vit. Institucionet ndërkombëtare nga OECD, OKB, DASH e deri tek KE, e konsideruan historinë e suksesit të e-Albania, arritjen më domethënëse në rajon në fushën e modernizimit të shërbimeve.
293 vite pritje në radhë u kursyen falë https://e-albania.al. 1,363,074.8 € kursyen qytetarët, nga gjenerimi elektronik i 2,686,032 dokumenteve
Komente
Bravo! Tashmë nuk më duhen dokumente nga Shteti që t'ja dorëzoj po Shtetit. Tani duhet vetëm të llogjikoni dhe të lejoni apostilimin e dokumenteve të nxjerra nga e-albania.
Përgjigju