6 biletat e fundit për fazën e grupeve të Champions League kanë nisur të luhen të martën me fazën ‘play-off’ që ka rezervuar ndeshje interesante mes klubeve me traditë. Ndër të tjera spikati sfida e parë mes Rangers dhe PSV të zhvilluar në Skoci dhe që përfundoi me shifrat 2-2.
Në fillim realizuan holandezët, ndërsa më pas vendasit përmbysën falë edhe një gafe të portierit Benitez, por në fund shifrat i vulosi Obispo.
Në ndeshjet e tjera norvegjezët e Bodo Glint fituan minimalisht 1-0 kundër gjigandëve kroat të Dinamo Zagreb. Golin e vetëm të sfidës e realizoi Pellegrino në pjesën e parë dhe ashtu si në PSV-Rangers kualifikimi mbetet për t’u vulosur në ndeshjen e kthimit. Po të martën Copenhagen fitoi 2-1 kundër Trabzonspor në Danimarkë.
Ndërkohë sonte do luhen 3 përballje të tjera ku më me interes shifet Dinamo Kiev-Benfika, ndërsa Qarabagu i Azerbajzhanit do të presë Plzen-in e Çekisë. Gjithashtu Maccabi Haifa i Izrealit përballet me serbët e Crvena Zvezdës. Ndeshjet e kthimit të fazës ‘play-of’ luhen të martën dhe të mërkurën e ardhshme për të plotësuar përfundimisht 36 skuadrat pjesmarrëse të sezonit të ri.
