Seanca e radhës në GJKKO e të penduarit Nuredin Dumani, që zbërtheu disa grupe kriminale dhe zbardhi vrasje e grabitje, vijoi mes tensionesh marrjen në pyetje nga të pandehurit e tjerë të “Plumbi i Artë”. Me Enver Divën, me të cilin Dumani vrau Bujar Çelën, vëllain e Talo Çelës, ndodhi sërish përplasje.
Në seancë Dumani tha se “nuk do të vdiste pa iu ngrënë hallvën të gjithëve nuk do t’ia hanë ata. Por Diva, nga kafazi tha se do e shihnin se kush do t’ia hante hallvën njëri-tjetrit, duke dhënë mesazhe të koduara për eliminimin e njëri-tjetrit.
Avokati Ilia Ilia: Në çrrethana jeni njohur me Agron Qolin?
Dumani: E kam pasur komshi. Kemi qenë edhe miq. E njoh nga 2001-2003. Agroni në 2012 u largua në Durrës.
Kemi pasur marrëdhënie shume të mira dhe hyrje-dalje familjare.
Për një farë kohë unë kam punuar me Agronin në një pallat ku ai iahte teknik ndërtimi.
Av: Me kë punonte aty?
Dumani: Investitor ishte Enea Prifti. Unë kam punuar disa muaj aty.
Avokati: Cilat ishin marrëdhëniet mes Agron e Petrit Qolit?
Dumani: Ishin kushërinj. Petrit Qoli ishte ndërtues pallatesh, ndërsa Agroni teknik. Nuk di të kebë punuar bashkë.
Avokati: A shoqërohej Agroni me Festim Qolin?
Dumani: Po patjetër, çdo natë tek lokali i Festimit ishin.
Avokati: Kur je shoqëruar me Besnik Qolin, a ke diskutuar për marrëdhënien e tij me Agron Qolin.
Dumani: Ai fliste me respekt për të. E konsideronte njeri serioz.
Avokati Ilia: A ka pasur njohje Agron Qoli me Festim Qolajn?
Dumani: Nuk e di.
Avokati: Nga njihej Agron Qoli dhe Enea Prifti.
Dumani: Lidhja e tyre ishte Festim Qoli.
…..
Dumani: Nuk vdes unë. Pa ju ngrenë hallvën të gjithëve nuk ma hani mua.
I pandehuri Enver Diva nga kafazi: Do e shohim ne se kush ja ha hallvën njëri tjetrit.
Në seancë Dumani rrëfeu edhe një herë vrasjen e Fatmira Dedajt, nëna e bosit të drogës, Ervis Deda, për të cilën tha se e kishin ndjekur nga bashkia deri te garazhi ku ishte vrarë, duke synuar të paraqitej sikur të ishte grabitje. Për këtë vrasje avokati Ilia Ilia kërkoi vendosjen e një video që është bërë para një jave të vendi i ngjarjes, për të shpjeguar se si ka vepruar, por prokurorët deklaruan se kërkesa është e pabazuar pasi video nuk ishte provë.
Detajet mbërritën në redaksi nga gazetarja e Report Tv, Keti Banushi.
Foto: Talo Çela, Nuredim Dumani, Fatmira Deda (viktima)
Gjatë seancës së sotme gjyqësore Nuredin Dumani zbuloi planin e vrasjes së Fatmira Dedës, nënës së bosit të drogës në shtator 2013.
Avokati: Keni përdorur emrin e Dorjan Shkozës, që ka bashkëpunuar në vrasjen e Fatmira Dedajt.
Dumani: Shkoza kishte një servis me qira. Disa ditë para ngjarjes, e aktivizuam Dorjanin. Nga momenti kur Festim Qoli më tha se do ta vrasim Fatmira Dedajn, e deri sa u krye ekzekutimi, kaloi gati një muaj.
Kam folur me Talon dhe me një person me nofkën "Qimja", të cilin e kam njohur nga Talo Çela.
Qimja kishte një Alfa Romeo, e cila u aksidentua te stacioni i trenit, ndërsa ishte duke ndjekur Fatmira Dedën. Ai është zeshkan, rreth 1.75 m i gjatë, por emrin nuk ia kam mësuar saktësisht.
Me Dorjanin kam folur vetëm unë. Dorjanit i kam kërkuar një makinë dhe ma gjeti ai. Mjeti kishte dokumente dhe do të përdorej për ekzekutimin e Fatmira Dedës. Kjo e fundit vinte rreth orës 7 të mëngjesit te varrezat, ku ishte planifikuar vrasja. Ndjekja fillonte nga Bashkia Durrës deri në destinacionin e saj.
U vendos që vrasja të kryhej te garazhi, në mënyrë që të dukej si një grabitje dhe të ishte më e lehtë për ne.
Fatmira Dedaj kishte ardhur disa herë te karburanti dhe akuzonte dy vëllezërit Qoli se i kishin vrarë djalin. Për një kohë, ajo nuk vinte më te karburanti.
Pas eliminimit të Fatmirës, pronarë u bënë Petriti dhe Festimi.
Ditën e ngjarjes, mora një mesazh nga Agron Qoli, i cili më tha: "Doli".
Atë ditë, kam qenë afër ambulancës.
Avokat lia Ilia: Ne kërkojmë të tranmetojmë një video të bërë para 1 jave tek vendi i ngjarjes e të na shpjegojë se si ka vepruar
Prokurorët: Nuk është provë, nuk trajtohet si e tillë. Kërkesa është e pabazuar.
Festim Qoli, i njohur si ‘Festja’ i Durrësit, akuzohet nga SPAK për vrasjen e ortakut të tij, 36-vjeçarit Elvis Dedaj në 5 qershor të vitin 2012 në Durrës si dhe për porositjen e vrasjes së nënës së tij, Fatmira Dedaj, një vit më pas, në 2013. Qoli është shpallur në kërkim pas dëshmisë së Nuredin Dumanit, i cili tregoi detaje nga krimi i dyfishtë.
Vrasja e Dedajt fillimisht u tha për shkak të një sherri për një vajzë por më pas ka dyshime se Festim Qoli, mund të jetë përfituesi kryesor i pasurive të Elvis Dedajt, por nuk është i vetmi. Elvis Dedaj, krahas parave cash, kishte regjistruar pasuri në emrin të afërmeve.
Sipas burimeve, vetëm disa ditë pas vrasjes së Fatmira Dedjat, e cila nuk reshti së kërkuar drejtësi për vrasjen e të birit, kanë nisur ethet për përvetësimin e pasurive të tyre.
Komente
