Një aksident me pasojë vdekjen e një personi ka ndodhur në orët e para të mëngjesit të kësaj te premte. Ngjarja e rëndë ka ndodhur në bulevardin ‘Zhan D’ark’ në afërsi të Shkozës.
Sipas burimeve një mjeti i drejtuar nga Gëzim Marashi ka përplasur 76-vjeçarin Vlash Soloki i cili ka qenë me biçikletë duke kaluar rrugën. Si pasojë e plagëve, i moshuara ka ndërruar jetë në vend.
Drejtuesi i mjetit nuk ka qenë nën efektin e alkoolit, ndërkohë dhe shpejtësia e mjetit nuk ka qenë shumë e madhe, por dyshohet se viktima ka ndërruar jetë nga përplasja për shkak edhe të moshës.
Siç shihet edhe në këto pamje që sjell Shqiptarja.com dhe Report Tv, i moshuari nuk ka qenë në korsinë e biçikletës.
Grupi hetimor po punon për sqarimin e rrethanave të aksidentit.
