Një ngjarje tragjike ka ndodhur në malin Marmagna në Itali, ku 19 vjeçari me origjinë shqiptare Marinel Senka humbi jetën, gjatë një shëtitjeje nga e cila nuk u kthye më kurrë.
Sipas mediave italiane, i riu shqiptar dhe 2 miqtë tij u nisën drejt Marmagna për alpinizëm, por fatkeqësisht ai rrëshqiti, ra në një grykë mali, duke humbur kështu tragjikisht jetën.
Ngjarja e rëndë ndodhi në sytë e miqve të tij të cilët lajmëruan menjëherë autoritetet dhe familjarët për lajmin e hidhur.
Ekipi i shpëtimit edhe për shkak të kushteve të vështira atmosferike ka fluturuar mbi zonë për rreth 1 ore për të gjetur trupin e Marinelit.
Kjo është vdekja e tretë e shënuar përgjatë 2 javët fundit në alpet italiane.
Komento
