Një ngjarje e rëndë ka ndodhur këtë mbrëmje në Tiranë. Një 40-vjeçar i cili po punonte në stadiumin 'Air Albania', dyshohet se ka rënë nga lartësia dhe për pasojë është plagosur.
Mësohet se i plagosuri me inicialet H.M., është dërguar në spital ku po merr ndihmë mjekësore, ndërsa gjendja e tij raportohet jashtë rrezikut për jetën.
Njoftimi i Policisë
Me datë 18.12.2021, rreth orës 17:50, te stadiumi "Air Albania", dyshohet se aksidentalisht ka rënë nga një lartësi e vogël, shtetasi H. M., 40 vjeç, i cili ishte duke punuar.
Si pasojë ky shtetas është dëmtuar dhe ndodhet në spital nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes", thuhet në njoftimin e policisë.
