Durrës-Një 22-vjeçar nga Fieri është shpallur në kërkim nga policia e Durrësit pasi në bashkëpunim me një tjetër po transportonin në mënyrë të paligjshme 14 emigrantë drejt Kakavijës, me destinacion Greqinë.
Sipas njoftimit të bluve autorët u konstantuan nga oficerët në fshatin në fshatin Ballaj, Kavajë, por duke përfituar nga errësira braktisën automjetet dhe u larguan.
Ndërkohë emigrantët nga Nepali dhe India u proceduan penalisht për veprën penale “Kalim i paligjshëm i kufirit”, kishin hyrë në mënyrë të paligjshme nga kufiri jeshil me Malin e Zi me destinacion Greqinë.
"Nga veprimet hetimore të kryera nga Sektori për Hetimin e Trafiqeve të Paligjshme në DVP Durrës, në bashkëpunim me Komisariatin e Policisë Kavajë, u identifikua dhe u shpall në kërkim drejtuesi i njërit prej automjeteve (opel) shtetasi E. M., 22 vjeç, banues në Fier, për veprën penale “Dhënie ndihmë për kalim të paligjshëm të kufirit”. Si dhe vijon puna për identifikimin e drejtuesit të automjetit tjetër tip audi", informoi sot policia.
Operacioni u kodua 'The night agents'.
Materialet procedurale i kaluan Prokurorisë Durrës, për veprime të mëtejshme.
Komente
