GJIROKASTËR- Një 29-vjeçar ka rënë në prangat e policisë pasi transportonte emigrantë të paligjshëm. 29-vjeçari i identifikuar si K.K është kapur nga forcat e policisë në vendin e quajtur ‘Ura e Lumit’ në Gjirokastër duke transportuar tre emigrantë të paligjshëm.
Në kuadër të operacionit ‘Follow’ ka rënë në pranga 21-vjeçari A. N., i cili dyshohet se ka bashkëpunuar për transportimin e emigrantëve jashtë kufirit shqiptar.
29-vjeçari u kap duke transportuar emigrantët me një mjet tip ‘Volkswagen’ kundrejt fitimit. Në cilësinë e provës materiale u sekuestruan automjeti, dy aparate celulare dhe një shumë parash.
Materialet në ngarkim të këtyre dy shtetasve i kaluan Prokurorisë pranë Gjykatës së Shkallës së Parë Gjirokastër, për veprën penale "Dhënia ndihmë për kalim të paligjshëm të kufirit".
Komente
