KUKËS- Një automjet që po udhëtonte drejt Tiranës e që drejtohej nga një shtetas amerikan me banim në Serbi është përfshirë mëngjesin e së martës në orën 08:00 nga flaket teksa ishte duke udhëtuar brenda tunelit të Kalimashit.
Pasi ka konstatuar flakët, shoferi ka ndaluar automjetin duke pritur ardhjen e zjarrfikëses të bashkisë e stacionuar pranë tunelit e cila në kohë të shkurtër ka bërë të mundur shuarjen e zjarrit.
Për fat të mirë nuk ka dëme në njerëz, përveç atyre materiale ndërkohë që deri në shuarjen e zjarrit, ekspertizës dhe largimit të automjetit korsia e rrugës së Kombit Kukës-Tunel ka qenë e bllokuar nga kolona e mjeteve. Aktualisht qarkullimi është kthyer në normalitet dhe është i lirë.
Komento
