“Është e pabesueshme. Faleminderit futbollit , faleminderit futbollistëve të mi pasi janë heronj. Pjesa e dytë ishte fantastike dhe e pabesueshme”.
Shumë i emocionuar trajneri i Tottenham Mauricio Pochettino ka komentuar arritjen e skuadrës së tij për herë të parë në një finale të Champions League. Argjentinasi komenton:” Faleminderit tifozëve ,ka qënë e vështirë por përjetuam një natë magjike dhe jam shumë i lumtur që jam trajner . Të gjithë lojtarët e mi janë heronj por Lucas është superheroi” e mbyll Pochettino.
Fernando Llorente që prishi ekuilibrat në pjesën e dytë duke ndihmuar shumë skuadrën e tij është i lumtur që pas finales së humbur kur ishte pjesë e Juventusit ka një tjetër mundësi për të triumfuar këtë herë në finalen ndaj Liverpool.
Ndërkaq pas eliminimit të dhimbshëm në gjysmëfinalet e Champions klubi i Ajax ka publikuar një video motivuese për futbollistët dhe tifozët ku shkruhet:” Kokën lart pasi sezoni nuk ka përfunduar”./Përgatiti Andi Kapxhiu
Komente
