Pogaçe e nënës
Përbërësit:
- 1,5 kg miell
- 1 qeskë maja
- 1 lugë e mesme sodë buke
- 2 lugë vaj
- Kripë
- Ujë të vakët
Përgatitja:
Me të gjithë përbërësit zëmë një brumë të fortë, i cili ngjeshet gjatë duke e punuar në tryezën e punës, derisa të mos ngjitet. Pas disa minutash ngjeshjeje, brumin e vendosim në vend të ngrohtë që të vijë për afro 1 orë. Ngjeshet edhe një herë në tavolinë të pudrosur mirë me miell dhe e hapim në tepsi të lyer me yndyrë. E vendosim në vend të ngrohtë që të vijë pak, më pas e shpojmë në disa vende, e lyejmë me vaj dhe e vendosim në furrë të nxehtë fillimisht në temperaturë 250 gradë Celsius, më pas e ulim temperaturën në 200 gradë për t'u pjekur për 40-50 minuta.
Komento
