POGRADEC - Mbrëmjen e djeshme një aksident tragjik ndodhu në aksin Korçë-Pogradec, ku në afërsi të fshatit Leshnicë u gjet pa jetë 40 vjeçari Florent Palla.
Autori i ngjarjes u largua me automjetin e tij nga vendi. Pas një pune hetimore policia ka bërë të mundur identifikimin e mjetit dhe autorit që shkaktoi aksidentin fatal.
Pasditen e sotme pas kontrolleve edhe me dron dhe dylbi u bë e mundur gjetja e mjetit tip Volkswagen dhe u bë e mundur kapja e autorit, 38 vjeçarit Gentian Capo banues në fshatin Gështenjas në Pogradec.
'Pas një pune intensive të bërë nga Sektori i Policisë Rrugore, që nga mbrëmja e djeshme me këqyrje te kamerave qe ndodheshin ne aksin rrugor Korçë-Pogradec, kontrolle me dron dhe dylbi të territorit te fshatrave dhe zonave të banuara përreth vendndodhjes se aksidentit dhe informacioneve të marra ne rruge operative, u bë e mundur që rreth rreth orës 16:40, të lokalizohej nëpërmjet dronit automjeti tip "Volksëagen" i përfshirë në këtë ngjarje rrugore.
Gjithashtu u identifikua dhe drejtuesi i automjetit shtetasit G. C., 38 vjeç, banues në fshatin Gështenjas, Pogradec,
Shërbimet e Policisë kapën dhe shoqëruan në Komisariat shtetasin G. C., i cili u arrestua për veprat penale " Shkelja e rregullave të qarkullimit rrugor” dhe "Largim nga vendi i aksidentit"
Ndërsa automjeti u sekuestrua në cilësinë e provës materiale.'
Komente
