POGRADEC- Në orët e para të ditës së sotme është gjetur trupi i peshkatarit që u mbyt në 31 Dhjetor. Sipas policisë trupi i Gëzim Seitllarit është nxjerrë në bregun e liqenit nga dallgët e forta. 53 vjeçari nga fshati Memlisht kishte dalë për të peshkuar mëngjesin e datës 31 Dhjetor, ndërsa nuk ishte rikthyer duke humbur kontaktet me familjarët.
Në ditën e parë të Vitit të Ri në afërsi të fshatit Hudënisht, në një distancë prej 100 metrash nga bregu u gjet varka bosh e peshkatarit, ndërsa sot dallgët nxorën trupin në breg. Disa ditë më parë, po në Pogradec, dy peshkatarë të tjerë humbën jetën në rezervuarin e Bradomirës për shkak të mbingarkesës së varkës.
Komento
Komente
