Pogradec- Aksidenti pas daljes së makinës nga rruga ka lënë të plagosur pasagjeren, teksa nën hetim është marrë drejtuesi i mjetit për të sqaruar rrethanat dhe shkaqet.
Ngjarja ndodhi në aksin rrugor Pogradec-Lin, në afërsi të fshatit Piskupat, rreth orës 12:45 të pasdites së sotme (16 prill).
Mësohet se një mjet ka dalë nga rruga, ndërsa e plagosur ka mbetur pasagjerja me inicialet S.Ç. Kanë qenë forcat zjarrfikëse që kanë bërë të mundur nxjerrjen e saj nga mjeti, ndërsa është dërguar menjëherë drejt spitalit, për shkak të dëmtimeve të marra.
Raportohet se e dëmtuara nuk paraqet rrezik për jetën. Policia ka mbërritur në vendngjarje për zbardhjen e rrethanave të aksidentit.
“Rreth orës 12:45, në aksin rrugor “Qafë Thanë-Pogradec”, shtetasi I. Ç., duke drejtuar automjetin, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga. Nga aksidenti është dëmtuar shtetasja S. Ç., pasagjere në automjet, e cila po merr mjekim në spital, në gjendje jashtë rezikut për jetën”, tha policia vendore.
Me drejtuesin I. Ç. po kryhen veprimet procedurale, kurse grupi hetimor po punon për sqarimin e rrethanave.
Komente
Ska fillu plazhi ala or tej…..
Përgjigju