Një konflikt i nisur për motive të dobëta në një lokal në lagjen nr.1 të qytetit të Pogradecit ka përfunduar me dëmtime fizike për dy persona. Personat M. Xh. dhe K. N. janë plagosur me gota dhe ndodhen në spital, jashtë rrezikut për jetën, ku po marrin ndihmën mjekësore të nevojshme.
Në lidhje me ngjarjen, tre persona me inicialet A.K., N.Ç dhe D.Xh janë shoqëruar në Komisariatin e Policisë Pogradec për veprime të mëtejshme hetimore.
Grupi hetimor po vijon punën për sqarimin e plotë të rrethanave të ngjarjes dhe për dokumentimin ligjor të saj. Policia apelon për qetësi dhe bashkëpunim nga qytetarët.
Komento
Komente
