Pogradec- Të miturit shkatërrojnë shkollën 9-vjeçare të Buzaishtës në Pogradec, Policia i merr nën akuzë.
Ngjarja ka ndodhur ditë më parë, teksa janë publikuar edhe pamjet e shkatërrimit dhe klasave të kthyera përmbys, me dëme të konsiderueshme materiale.
Mbetet i panjohur shkaku i kësaj dhune dhe sulmi ndaj institucionit arsimor.
“Shërbimet e Komisariatit të Policisë Pogradec referuan materialet në Prokurori, ku filloi procedimi penal për 2 shtetas të mitur, pasi dyshohet se kanë dëmtuar disa banka dhe sende, në shkollën 9-vjeçare në fshatin Buzaishtë”, tha shkurtimisht sot (28 gusht), Policia e Korçës për rastin.
Hetimet do i ndjekë prokuroria vendore, teksa të miturit hetohen në gjendje të lirë për shkak të moshës.
Komento
Komente
