Pogradec - Një stallë me bagëti është shkrumbuar plotësisht në fshatin Çërravë të Pogradecit gjatë mbrëmjes së djeshme.
Sipas informacioneve paraprake dëme të konsiderueshme janë shkaktuar edhe në gjënë e gjallë.
Duke qenë se stalla ndodhej larg fshatit, konstatimi për zjarrin është bërë nga i zoti vetëm mëngjesin e sotëm kur ka shkuar për të kryer shërbimet në stallë.
Pronari i stallës Agjërim Kapa jashtë kamerave në gjendje të rënduar emocionale u shpreh se dëmi është në më shumë se 170 bagëti (dele), te cilat sipas tij janë djegur të gjalla
Ende nuk dihen shkaqet e këtij zjarri, ndërsa policia dhe grupi hetimor po merren me sqarimin e plotë të rrethanave të ngjarjes.
Komento
Komente
