POGRADEC- Një 35-vjeçar ka rënë në pranga pasi transportonte 11 emigrantë të paligjshëm drejt vendeve të Bashkimit Europian, kundrejt parave.
Burime zyrtare i thanë Shqiptarja.com se është arrestuar I. B., 35 vjeç, teksa mësohet se së momentin që ka ndërhyrë policia ai tentoi që të largohet, por u kap nga uniformat blu disa metra më tutje.
Transportimi i paligjshëm i emigrantëve nga vendet e botës së tretë drejt Bashkimit Europian është shndërruar në një biznes i mirëfilltë në këtë qytet.
Pak ditë më parë Report Tv bëri një investigim ku intervistoi 5 emigrantë, duke treguar të gjithë itinerarin se si kanë mbërritur deri në vendin tonë dhe se si do e shfrytëzojnë Shqipërinë si vend tranzitë për të shkuar drejt perëndimit. Ata kishin ardhur nga Bilishti nga kufiri i gjelbër dhe se të ndihmuar nga grupet kriminale kundrejt pagesave për t'u larguar sërish drejt BE. Report Tv i filmoi ata në autostradën Elbasan-Tiranë që erdhën me mjetin e një trafikanti.
Komente
