Krahas angazhimeve të tjera të përhershme, për sigurimin e rendit e sigurisë publike, Policia e Dibrës iu përgjigj pozitivisht thirrjes së spitalit Rajonal të qytetit të Peshkopisë për dhurim gjaku.
Punonjës të forcave “Shqiponjat” të Rrugores , Rendit dhe të Hetimit të Krimit të Drejtorisë Vendore Dibër dhuruan gjak, paraditen e sotme, duke dëshmuar se Policia është dhe mbetet përherë pranë komunitetit dhe në shërbim e ndihmë të tij.
Drejtori Vendor i Policisë Drejtues i Parë Skënder Hita, u shpreh se "Humanizmi dhe sakrifica janë në thelb të misionit të Policisë së Shtetit dhe në këtë kontekst u realizua dhurimi i gjakut për fëmijët talasemikë". Ky solidarizim dhe kontribut do të vijojë dhe në ditët e ardhshme nga strukturat e tjera të Policisë.
#DhuroJetëDhuroGjak
