POLIÇAN- Një 21-vjeçar ka mbetur i plagosur në fytyrë teksa po bënte qitje. Arma ka qenë artizanale dhe teksa i riu me inicialet A.SH po bënte qitje është dëmtuar nga gazrat dhe gjilpëra e armës në fytyrë.
Burime zyrtare bëjnë me dije se ai është dërguar drejt spitalit të Traumës, ku mësohet se ndodhet jashtë rrezikut për jetën.
Ndaj 21-vjeçarit është nisur një procedim penal në gjendje të lirë pasi mbi të rëndojnë akuzat për veprat penale “Prodhim dhe mbajtje pa leje e armëve të gjuetisë dhe sportive ” dhe “Prishje të qetësisë publike.
Njoftimi i plotë i Policisë
"Specialistët e Seksionit për Krimet filluan procedimin penal në gjendje të lirë për shtetasin:
A.Sh, 21 vjeç, banues në Poliçan, Skrapar, pasi duke bërë qitje me një armë gjahu artizanale e improvizuar prej tij, është dëmtuar nga gazrat dhe gjylpëra e armës në fytyrë.
Pas ndihmës së parë mjeksore në Spitalin Rajonal Berat është dërguar për mjekim më të specializuar në Tiranë, aktualisht jashtë rrezikut për jetën. Materialet u referuan në Prokurorinë e Rrethit Gjyqësor Berat, për veprat penale “Prodhim dhe mbajtje pa leje e armëve të gjuetis dhe sportive ” dhe “Prishje të qetësisë publike “, parashikuar nga nenet 274 e 280 i Kodit Penal", njofton policia.
Komente
Çudi do ishte ky plen t kishte libër me vete. Shqiptar+arm=e zakonshme Shqiptar+liber=e pazakont
Përgjigju