Teksa forca të shumta policie RENEA, FNSH dhe DELTA FORCE e kërkojnë vrasësin e Selenicës në kondrat e fshatit, ai komenton në Facebook në profilin e tij me emrin Ritvan Vani Zykaj. Ritvan Zykaj iu është përgjigjur komenteve të ndjekësve në faqen e tij të profilit sikur të mos kishte ndodhur asgjë dhe jo se është autori i masakrës më të pashembullt që ka ndodhur ndonjëherë në vendin tonë.
Killeri gjakftohtë nuk është penduar aspak për krimin makabër që ka kryer ndaj 8 anëtarëve të familjes, me të cilët ishte kushërinj, në drejtim të të cilëve zbrazi armën kallashnikov. Komentuesit i shkruajnë se dënimi me vdekje është pak për të. Por Zykaj ka gati përgjigjen me një fjalor banal vetëm pak minuta më parë: "Çmë keni çarë k***". Ritvan Zykaj vijon të jetë aktiv në rrjetet sociale duke sfiduar haptazi policinë.
Replikat e killerit në Facebook
Policia dyshon se Zykaj ka hyrë online në rrjetet sociale përmes një IP kompjuteri. Ai ka fikur telefonin disa orë më parë. Sinjali i fundit i telefonit të autorit është kapur pranë kodrave të fshatit Selenicë. Favorizuese për killerin është fakti se ai është bari dhe e njeh mirë zonën. Dyshohet se ai fshihet në një shpellë në një zonë të thyer.
Killeri 24-vjeçar, Ritvan Zykaj
Ritvan Zykaj kreu sot aktin më të pashembull në historinë e vendit, duke ekzekutuar me gjakftohtësi të plotë tetë anëtarë të një familje, mes të cilëve edhe tre gra e dy fëmijë të moshës 8 dhe 15 vjeç. Mësohet se familja e viktimave akuzonte 24-vjeçarin për vjedhjen e disa pulave. Sherri ka agravuar pasditen e të premtes në kryerjen e krimit makabër nga Ritvan Zykaj, i cili është aktualisht shqiptari më i kërkuar nga policia.
Komente
I madh prz ka vra 8 vet I gjith shteti e kerkon e ai hyn ne fb e komenton Hahahha
Përgjigju