Policia gjermane zbuloi një nga ueb-faqet më të mëdha në botë për pornografi të fëmijëve, e cila kishte mbi 400,000 anëtarë të regjistruar. Operacioni ndërkombëtar, ka përfshirë disa forca policie dhe çoi në mbylljen përfundimtare të një platforme të errët neto të quajtur Boystown. Prokurorët thanë të hënën se katër persona, të moshës 40 deri në 64 vjeç, janë arrestuar në mes të prillit, në lidhje me platformën,njëri prej të cilëve është arrestuar në Paraguai.
Të dyshuarit nuk u identifikuan, në përputhje me rregullat e privatësisë në Gjermani.
Një task-forcë e policisë gjermane hetoi platformën, administratorët e saj dhe përdoruesit për disa muaj, thuhet në deklaratën e policisë.
Agjencia evropiane e policisë, Europol, dhe agjencitë e sundimit të ligjit nga Holanda, Suedia, Australia, Shtetet e Bashkuara dhe Kanadaja i ndihmuan hetimet.
Platforma ishte “ndër më të mëdhatë në botë për pornografinë e fëmijëve” dhe ishte aktive së paku nga viti 2019, thanë autoritetet vendase.
Sipas tyre, pedofilët e përdorën atë për të shkëmbyer dhe shikuar pornografi të fëmijëve të vegjël, shumica prej të cilëve ishin djem.
