Policia e Beratit, identifikoi një nga autorët e përfshirë në atentatin fatmirësisht pa pasoja, ndaj Altin Halilit, një të dënuari për vrasje në ’97-ën, të kthyer së fundi në atdhe.
Për ngjarjen e 26 gushtit, ku u qëllua me breshëri automatiku ndaj automjetit të 46-vjeçarit në rrugën e fshatit Dushnik, policia arrestoi Iljaz Toskën, 48- vjeç me banim në Divjakë.
I arrestuari dyshohet se ka përkrahur autorët e ngjarjes, duke i larguar ata me automjet nga fshati Kozare, ku kishin djegur makinën e përdorur në atentat, megjithëse i arrestuari pretendon se ka qenë rastësisht në vendin, ku u dogj mjeti i autorëve.
"Nga hetimet e thelluara procedurale rezultoi se 48-vjeçari Altin Halili ka përkrahur autorët e ngjarjes, duke i larguar ata me automjet nga fshati Kozare, ku u gjet i djegur automjeti i tyre", njoftoi policia.
Grupi hetimor po vijon hetimet për identifikimin dhe kapjen e autorëve, të cilët mendohen të kenë qenë 3 persona.
Altin Halili është me 15 vjet burg për vrasjen e Sokol Kaloshit në fshatin Rremas të Lushnjes, në vitin famëkeq të ’97-ës, dënim të cilin e përfundoi në vitin 2010 e prej atëherë ndodhej në Itali. Krimi i rëndë, pasoi vrasjen e babait të Altinit, Qemal Halilit nga të afërmit e familjes Kaloshi.
Komente
Më në fund fjala "atdhe". Sa vite që nuk e lexoj e dëgjoj asgjëkund!
Përgjigju