Një 29-vjeçar është ndaluar nga Policia Rrugore e Tiranës në orët e para të mëngjesit në 'Kombinat', pasi po drejtonte mjetin me shpejtësi dhe në gjendje të dehur. Policia bën të ditur se bëhet fjalë për personin me inicialet H.M.
I riu rezultoi nga testi i parë i bërë me sasinë e alkoolit 0.62 mg/l, ndërsa nga testi i dytë me 0.59 mg/l.
Policia Rrugore i bën thirrje qytetarëve që të mos shpejtojnë, pasi radari funksionon në çdo rrugë të kryeqytetit.
“Mos drejtoni mjetin nën efektin e alkoolit apo në gjendje të dehur se Drageri me policin rrugor është në çdo rrugë të Tiranës”, apelon Policia duke shtuar se mjetet e transportit publik janë zgjidhja më e mirë në rast se drejtuesit e mjetit dëshirojnë të konsumojnë alkool.
Komento
Komente
Komente